Bolqarıstanda maaşların artırılmasını tələb edən yüzlərlə insan nümayiş keçirib

Bolqarıstanın paytaxtı Sofiyada müxtəlif peşələrdə çalışan yüzlərlə insan maaşlarının artırılması tələbi ilə nümayiş keçirib.

Avropa İttifaqının ən kasıb ölkəsi Bolqarıstanı vuran inflyasiya ilə mübarizə aparan fəallar parlament binası qarşısına toplaşaraq maaşlarının yaxşılaşdırılmasını tələb ediblər. Nümayiş Bolqarıstanın iki ən böyük ticarət birliyi tərəfindən təşkil olunub. Aksiyaya müxtəlif peşələrdə çalışan yüzlərlə insan qoşulub. Fəallar hökumətdən maaşlarının artırılmasını tələb ediblər.

Müstəqil Həmkarlar İttifaqının İqtisadiyyat Eksperti Lyuboslav Kostov da hakimiyyəti mümkün qədər tez hökuməti formalaşdırmağa və gələn ilin büdcəsini tərtib etməyə çağırıb və vurğulayıb ki, Bolqarıstanın 2024-cü ildə avro zonasına daxil olması üçün yeni büdcədə minimum əmək haqqı artımı nəzərdə tutulmalıdır.