Almaniyada yeni qanun: Bu şəxslərə ikili vətəndaşlıq VERİLƏCƏK

Almaniya qanunvericilik dəyişikliyinə hazırlaşır. Yeni qanunla immiqrantlara ikili vətəndaşlıq hüququ veriləcək. Öz ölkəsinin vətəndaşlığından çıxmaq tələbi də qaldırılacaq. Almaniyada Scholz hökuməti immiqrantların ikili vətəndaşlıq qanununa dəyişiklik edir. Qanun ikili vətəndaşlığa yol açır. Bu, vətəndaş hüquqları sahəsində bir mərhələdir.  

Yeni qanunla Almaniya vətəndaşlığı üçün müraciət etmək üçün tələb olunan 8 illik yaşayış tələbi 5 ilə endirilir. Sosial birləşmədə müvəffəqiyyətli olan immiqrantların vətəndaşlığa qəbulu üçün 3 illik yaşayış kifayətdir.

Türkiyədən gələn mühacirləri əhatə edən islahatın ən mühüm hissəsi ikili vətəndaşlıq hüququdur. 2021-ci ildə Almaniya vətəndaşlığını almış mühacirlərin 70 faizi öz ölkələrinin vətəndaşlığından imtina etməli olub. Bundan sonra vətəndaşlıq ərizəsində bu tələb aradan qaldırılır.

Qəbul ediləcək qanunda 1960-cı illərdə Almaniyaya köçmüş birinci nəsil immiqrantlar üçün də mühüm müddəalar var. Yaşlı nəsillər üçün tələb olunan alman dili səviyyəsi də ləğv ediləcək.