Alla Puqaçovanın şirkəti ləğv olunur

SSRİ Xalq artisti Alla Puqaçova rəhbərlik etdiyi “ABP MMC” şirkətinin ləğvi üçün ərizə verib. 
Bu barədə “Oktaqon” nəşri hüquqi sənədlərlə xəbər verib. Portalın məlumatına görə, ulduz noyabrın 23-də müvafiq bəyanat verib. Şou-biznes üzrə ixtisaslaşmış şirkət “Primadonna”nın konsertlərini təşkil edib və Radio Alla-nın fəaliyyətini aparıb. 
İndi Puqaçova və əri Maksim Qalkin (Rusiya Federasiyasında xarici agent kimi tanınır) Rusiyada yalnız fərdi sahibkar statusuna malikdirlər. Sentyabr ayında Federal Vergi Xidməti komediyaçının “MG Lab” reklam agentliyini ləğv edib.