Çılğın çempionluq bayramı: Messinin yanında durmaq istədi, yerə çırpıldı

Argentina futbol millisinin azarkeşləri komandanın DÇ-2022-dəki qələbəsini Buenos-Ayresdə qeyd etməyə davam edir.
“Albiseleste” azarkeşləri bu qələbəyə hədsiz dərəcədə sevinir və hər şəkildə bu sevinclərini ifadə edirlər. Lakin bu, bəzi qəzaların qarşısını almağa yetmir.
Belə ki, jurnalist Dieqo Borinskinin sosial şəbəkədə paylaşdığı videoda xoşagəlməz hadisə əks olunub.
Görüntülərdə azarkeş milli üzvlərini daşıyan üstüaçıq avtobusa minməyə çalışır, bunun üçün körpüdən tullanır, lakin hesabını düz götürmür və avtobusun damına çırpılaraq onu əhatə edən insanların üzərinə düşür.

Mənbə: Larepublica.pe