MAQATE baş direktoru Ukraynaya səfər edəcək

Beynəlxalq Atom Enerjisi Agentliyinin ( MAQATE ) baş direktoru Rafael Qrossi gələn həftə  Ukraynaya səfər edəcək və burada mütəxəssisləri yerləşdirmək üçün atom elektrik stansiyalarına baş çəkəcək.
Bu barədə RİA Novosti məlumat yayıb .
“Baş direktor Rafael Mariano Qrossi gələn həftə Ukraynada olacaq və nüvə təhlükəsizliyi üzrə ekspertlərin ölkədəki bütün nüvə enerji obyektlərində davamlı olmasını təmin edəcək”, - MAQATE-nin bəyanatında deyilir.
Qeyd olunur ki, yaxın vaxtlarda agentliyin nümayəndələri daim Ukraynanın bütün nüvə obyektlərində olacaqlar.
Nəşr qeyd edir ki, MAQATE Ukrayna ərazisində təxminən 11-12 ekspert saxlamağı planlaşdırır. İki ekspert Cənubi Ukrayna, Rivne, Xmelnitski və Çernobıl AES-lərində yerləşdiriləcək.
Qrossi daha əvvəl  bildirmişdi ki, Zaporojye Atom Elektrik Stansiyasının 10 min işçisindən yalnız 3-4 min nəfəri işini davam etdirib.
Fevralın 24-də Rusiya prezidenti Vladimir Putin LXR və DXR rəhbərlərinin yardım xahişinə cavab olaraq Donbası qorumaq üçün hərbi xüsusi əməliyyat keçirmək qərarına gəldiyini açıqlayıb .
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.