ABŞ Konqresindən Türkiyəyə F-16-ların satışına icazə istəyir
18-01-2023, 23:13
8 584

ABŞ Konqresindən Türkiyəyə F-16-ların satışına icazə istəyir

ABŞ administrasiyası Türkiyəyə F-16 qırıcı-bombardmançı təyyarələrinin satışı ilə bağlı Konqresə sorğu göndərib.
Bunu çərşənbə axşamı Pentaqonun sözçüsü Patrik Rayder keçirdiyi müntəzəm mətbuat brifinqində təsdiqləyib. ABŞ ordusunun sözçüsü Vaşinqtonun Ankaraya F-16-ların tədarükü ilə bağlı sualı cavablandırarkən deyib:
“Məsələnin Konqres tərəfindən nəzərdən keçirildiyini diqqətə alaraq, bu işin hazırkı vəziyyəti barədə danışmaq hüququnu Müdafiə Təhlükəsizliyi Əməkdaşlıq Agentliyinə verərdim. Əlbəttə, ABŞ-Türkiyə ikitərəfli münasibətlərinə gəlincə, biz həmişə Türkiyənin vacib tərəfdaş və müttəfiq olduğunu demişik. Bu əlaqələri necə gücləndirə biləcəyimiz, müdafiəni necə təmin edə biləcəyimiz mövzusunda Türkiyə liderləri ilə işləməyə davam edəcəyik”, - deyə Rayder bildirib.

Oxşar xəbərlər