Estoniya da Rusiya səfirini ölkədən çıxarır

Estoniya Rusiya səfirini ölkədən çıxarır.
Bu barədə Estoniya XİN-in "Twitter" hesabında məlumat yayıb.
Bildirilib ki, Estoniya Rusiyanın diplomatik mövcudluğunu müvəqqəti işlər vəkili səviyyəsinə endirmək barədə bugünkü qərarını nəzərə alaraq oxşar addımı atacaq.
"Biz Rusiya ilə münasibətlərdə paritet prinsipinin tərəfdarıyıq, bu o deməkdir ki, Rusiya səfiri Moskvadakı Estoniya səfiri ilə eyni vaxtda ölkədən ayrılacaq".
Qeyd edək ki, Rusiya XİN Estoniya səfirinə fevralın 7-dək ölkəni tərk etmək barədə nota verib.