Bill Qeyts “kabus ssenarisi” ilə bağlı XƏBƏRDARLIQ ETDİ
24-01-2023, 16:49
6 811

Bill Qeyts “kabus ssenarisi” ilə bağlı XƏBƏRDARLIQ ETDİ

“Microsoft” şirkətinin sahibi Bill Qeyts dünyanı gözləyən yeni təhlükəni açıqlayıb.
 
Sidneydə keçirilən konfransda çıxış edən iş adamı dünya liderlərinə müraciət edib. “İngilis Daily Mail”in xəbərinə görə, Qeyts növbəti pandemiyanın insan tərəfindən yaradılacağını və koronavirusdan daha qəddar ola biləcəyini söyləyib.
 
Dünya liderlərinin fikir ayrılıqlarını bir kənara qoyub hazırlığa indidən başlamalı olduğunu vurğulayan Bill Qeyts hər kəsi qlobal əməkdaşlığa çağırıb.
 
Qeyts sözügedən ssenarinin reallaşacağı təqdirdə bunun iqtisadi bədəlinin 10 trilyon dollar olacağını vurğulayıb. Milyarder iş adamı “kabus ssenarisi” kimi tanınan bu vəziyyətə hazır olmaq üçün hər beş ildən bir həm milli, həm də regional səviyyədə təlim keçirilməli olduğunu bildirib.
 
Qeyd edək ki, Bill Qeyts 2015-ci ildə COVİD-19-a bənzər virusla bağlı xəbərdarlıq etmiş, proqnozu 2019-cü ildə özünü doğrultmuşdu.

Oxşar xəbərlər