Yunanıstan sərhədləri bağlayıb

Koronavirus pandemiyası səbəbilə tədbirləri sərtləşdirən Yunanıstan  bu gün səhər 06:00-dan edibarən sərhədləri bağlamağa başlayıb.
Bu barədə hökumət sözçüsü Stelios Peças açıqlama verib. Məlumata görə, bu qərarın verilməsində  Şimali Yunanıstan bölgəsində yoluxma sayının  kəskin artması aparıcı yer tutub.
Qeyd edək ki, bu gün Yunanıstanın Albaniya ilə sərhəd qapısı bağlanıb. Artıq Yunanıstana  gəlmək istəyən hər kəs koronavirus testi olmalıdır. Bənzər tədbirlərin yaxın günlərdə Yunanıstanla qonşu olan digər sərhəd qapılarında da tətbiq edilə biləcəyi ifadə edilib.