Türkiyədə sel təhlükəsi - Su anbarı zədələndi

Zəlzələ bölgələrindəki su anbarları dərhal nəzarət altına alınıb. 
Bunu Türkiyənin vitse-prezidenti Fuat Oktay açıqlayıb. 
Onun sözlərinə görə, bir anbar xaricində digər bütün su bəndləri zədələnməyib: "Tək bir bəndimiz var: Malatyada Sultansuyu su anbarı. Çatlaqlar olsa da, hələlik su sızması olmayıb. Ehtiyat məqsədi ilə suyu yavaş-yavaş boşaltmağa başlamışıq. Sadəcə sel riskindən qaçınmaq üçün tədbir alırıq", - deyə Oktay qeyd edib.
Onu da deyək ki, sözügedən bəndin gövdə həcmi 3.205.000 m³, çay yatağından 60 metr hündürlükdə yerləşir. 
Türkiyədə baş verən şiddətli zəlzələdə Malatyada 300 bina dağılıb. Hadisə nəticəsində 166 nəfər ölüb, 3298 nəfər xəsarət alıb. 

•