Azərbaycan və Ermənistana Aİ-dən çağırış

Avropa İttifaqı (Aİ) Qarabağda ən azı beş nəfərin ölümünə səbəb olan hadisənin baş verməsindən dərin təəssüflənir.
Bu barədə Aİ-nin Xarici siyasət və Təhlükəsizlik məsələləri üzrə ali nümayəndəsinin sözçüsü Peter Stano bəyanat yayıb.
Bildirilib ki, Aİ baş vermiş hadisəni tam şəkildə araşdırmağa, eyni zamanda, bütün maraqlı tərəfləri regional sabitliyi poza biləcək və sülh prosesinə təhlükə yarada biləcək hər hansı növbəti hərəkətlərin qarşısını almağa və təmkinli olmağa çağırıb.