Qəbirqazanlar tülkü balasına ARAQ içirdilər

Nijni Novqorod vilayətindəki qəbiristanlıqda qəbirqazanlar tülkü balası taparaq ona içmək üçün yarım şüşə araq veriblər.
Xarici media bildirir ki, bu barədə şəhər baytarlıq idarəsinin rəisi Yelena İvanova məlumat verib.
“Bizim baytarlıq klinikamıza zəng gəlib ki, Bor şəhərinin Bolşoe Pikino qəsəbəsindəki Mədəniyyət evinin yaxınlığında sərxoş kişi qoynunda tülkü ilə gəzir. Və bu tülkü qeyri-sağlam görünür", - İvanova deyib.
Vəhşi heyvanla olan adam tez tapılıb və tülkü yoxlama üçün aparılıb. Klinikada ekspertlər heyvanın vəziyyətini son dərəcə ağır kimi qiymətləndiriblər. Baytarlar onun quduzluq xəstəliyindən şübhələniblər.


Səhər tülkü balası hələ sağ olub, sonra baytarlar heyvanın tapılmasının təfərrüatlarını öyrənmək qərarına gəliblər.Qəbiristanlıq işçisi izah edib ki, tapılan tülkü balası aqressivlik nümayiş etdirmir, lakin çox zəif görünür. Qəbirqazanlar onu “xalq üsulları” ilə – araqla müalicə etmək qərarına gəliblər.
Bundan sonra mütəxəssislər başa düşüblər ki, tülkü çox güclü asma və intoksikasiya üçün müalicə edilməlidir. O, sıx qidalanıb, şirin su ilə təmin olunub və iki gün sonra heyvan özünə gəlib. İndi ayağından zədə aldığı üçün müalicə olunur.