İspaniya şahzadəsi hərbi xidmətə yollanır

Parlament monarxiyasının hökm sürdüyü İspaniyada taxt-tacın ilk varisi olan 17 yaşlı şahzadə Leonor hərbi xidmətə yollanacaq.  
Bu barədə mətbuata açıqlama verən müdafiə naziri Marqarita Robles vəliəhd şahzadə Leonorun quru, dəniz və hava qüvvələrində 3 illik hərbi təhsilə başlaması üçün fərman verildiyini açıqlayıb.
Robles şahzadə Leonorun  İspaniya Silahlı Qüvvələrinin ilk qadın baş komandiri olacağına görə onu əvvəlcədən təbrik edib.
Son 2 ildə Uelsdə kollecdə təhsil alan şahzadə Leonor atası Kral VI Felipenin 1985-1989-cu illərdə aldığı hərbi təhsili alacaq.