Braziliyada Telegram bloklandı

Braziliya məhkəməsi Telegram tətbiqinin ölkədə bloklanmasına qərar verib.
Bu barədə çərşənbə günü G1 portalı məlumat yayıb .
Onun sözlərinə görə, ölkənin federal polisi istintaqla əməkdaşlıq çərçivəsində messencer administrasiyasının təqdim etdiyi məlumatlarla kifayətlənməyərək ərizə verib. Proqramın fəaliyyətinin bloklanması ilə bağlı müvafiq göstəriş günün sonuna kimi mobil operatorlara və mobil qurğular üçün tətbiq mağazalarının administrasiyalarına göndəriləcək.
Xüsusilə hüquq-mühafizə orqanları Telegram-dan onlara təhsil müəssisələrinə hücumlarda iştirak etdiyi iddia edilən neonasist qruplarının üzvləri və idarəçilərinin məlumatlarını verməsini tələb ediblər. Lakin hüquq-mühafizə orqanlarının əməkdaşlarının sözlərinə görə, messencer istifadəçilərinin mobil telefon nömrələrini almayıblar.
Bloklama ilə yanaşı, məhkəmə hüquq-mühafizə orqanlarına məlumat təqdim etmədiyinə görə Telegram-ı gündə 1 milyon real (təxminən 200 min dollar) cərimələyib.