ABŞ-də çinlilərə əkin sahəsi almaq qadağan edildi

ABŞ-ın Florida ştatında çinlilərin əkin sahələri almasına qadağa qoyulub.
ABŞ-da 2024-cü ildə keçiriləcək prezident seçkilərində namizəd olacağı gözlənilən Florida qubernatoru Ron DeSantis, çinli şəxslərin və təşkilatların kənd təsərrüfatı torpaqları və əyalət daxilində hərbi obyektlərin yaxınlığında torpaq almasına mane olan qanun layihəsini təsdiqləyib.
Çinlilərin ABŞ-da əkin sahələri almaq istədiklərini iddia edən DeSantis, "Qida təhlükəsizliyi milli təhlükəsizlikdir", - deyə fikrini izah edib.