"Mən sağam və sağlamam" - Soros - YENİLƏNİB

“Açıq Cəmiyyət Fondu”nun təsisçisi Corc Soros ürəktutmadan vəfat etməsi ilə bağlı xəbərləri təkzib edib.
Soros Tvitter paylaşımında bu barədə yayılan məlumatların yalan olduğunu qeyd edib:
“Mənim infarkt keçirməyimlə bağlı yayılan xəbərlər tamamilə yalandır. Mən sağam və sağlamam”, - Soros qeyd edib.
09:45
Milyarder, Soros Fondunun rəhbəri Corc Soros infarkt nəticəsində öldüyü haqda məlumat yayılıb.
Bu barədə “Politics For All Ireland”  "Twitter" hesabı məlumat yayıb.
Lakin Qərb mediası Sorosun ölümü ilə bağlı xəbərləri təkzib edib.  
Qeyd edək ki, Macarıstan əsilli Amerikalı investor Corc Soros maliyyə bazarındakı strategiyaları ilə diqqət çəkir. O, xüsusilə “Qara Cümə" kimi tanınan hadisədə sterlinqə qarşı spekulyasiya edərək qazanc əldə etməsi ilə tanınır. Siyasi baxışlarına görə tez-tez mübahisə obyektinə çevrilən Soros ABŞ-ın daxili siyasətində də nüfuzlu şəxsdir.  
8,5 milyard dollar sərvəti olan 92 yaşlı Soros ən son "Tesla" səhmlərini satarkən gündəmə gəlib.