Maska məcburiyyətinin sona çatdığı ölkədə gülümsəmə təlimləri başladı

Üç illik maska qadağasından sonra bəzi yaponlar qəribə görünmədən gülümsəməyi öyrənmək üçün ekspert təbəssüm təlimçilərinə müraciət ediblər.
 
Xarici medianın məlumatına görə, COVID-19-un yayılmasının qarşısını almaq üçün maska taxmaq məcburiyyəti rəsmi olaraq ləğv edildikdən sonra, bir çox yapon örtmədən həyata uyğunlaşmaqda çətinlik çəkdiklərini və gülümsəməyi unutduqlarını etiraf edib. Egaoiku "təbəssüm təlimi" şirkətinin baş məşqçisi Keiko Kawano, "Maska taxmaq normaya çevrildikcə insanların gülümsəmək imkanları azaldı və getdikcə daha çox insan bu barədə kompleks inkişaf etdirdi. Üz əzələlərini hərəkət etdirmək və rahatlaşdırmaq yaxşı təbəssümün açarıdır. İnsanların fiziki və ruhi sağlamlıqları üçün şüurlu şəkildə gülümsəməklə vaxt keçirmələrini istəyirəm" – deyib.