Vərəmə qarşı peyvənd bu xəstəlikdən də QORUYUR

Massaçusets Ümumi Xəstəxanasının alimləri vərəm əleyhinə peyvəndin Alzheimer xəstəliyi riskini azalda biləcəyini müəyyən ediblər. 
Xarici mətbuat xəbər verir ki, araşdırmalara görə, vərəm üçün hazırlanmış peyvənd digər xəstəliklər üçün də istifadə oluna bilər. 
Mütəxəssislər əzələ invaziv olmayan sidik kisəsi xərçəngi diaqnozu qoyulduqdan sonra 15 il ərzində 6467 nəfəri izləyiblər. Onlardan 3388 xəstə BCG ilə peyvənd olunub, 3079 nəfər isə nəzarət qrupunda olub. Tədqiqat dövründə peyvənd qrupunda 202, nəzarət qrupunda isə 262 xəstə Alzheimer xəstəliyinə tutulub. 
Araşdırmalar göstərir ki,  BCG müalicəsi demensiyanın inkişaf riskini 20 faiz azaldır. 
Qeyd edək ki, peyvəndin qoruyucu təsiri ən çox 70 yaş və yuxarı xəstələrdə özünü göstərib.