Valideynlər körpəni zibil qutusuna atdılar

Çelyabinskdə zibillikdən körpə tapılıb.
Rusiya mediası bildirir ki, yerli sakinlər uşağı zibil qabında polietilen torbaya bükülmüş vəziyyətdə aşkar ediblər.
Körpə xəstəxanaya aparılıb. Hazırda ona lazımi tibbi yardım göstərilir. Hadisədən sonra hüquq-mühafizə orqanlarının əməkdaşları tapılan körpənin valideynlərini müəyyən ediblər.
Faktla bağlı “Təqsirkarın qarşısında açıq-aşkar köməksiz vəziyyətdə olan şəxsi öldürməyə cəhd” maddəsi ilə cinayət işi başlanıb.