Müğənninin fanatı ona oxşamaq üçün 40-dan çox əməliyyat keçirdi

Müğənni Rikki Martinin pərəstişkarı ona oxşamaq üçün 40 plastik əməliyyat etdirib.
Xarici media bildirir ki, argentinalı Fran Marianonun sözlərinə görə, o, müğənniyə bənzəmək üçün bir çox prosedurlardan keçib. Kişi qaşlarına iynə vurub və onlarla plastik əməliyyat etdirib ki, bu da ciddi fiziki və psixoloji nəticələr verib.
“Üzümü, burnumu, çənəmi hiss etmirəm. Şampan içəndə üstümə töküldüyü üçün salfetdən istifadə etməliyəm”, deyə kişi şikayətlənir.
Fran hər şeyi geri qaytarmaq istəsə də, xarici görünüşdəki dəyişikliklərin çox olduğunu başa düşür. İndi Mariano öz hekayəsini başqalarına danışmaq istəyir və onları səhvlərini təkrarlamamağa təşviq edir.