ABŞ-da 20 ildə ilk dəfə malyariyaya yoluxma qeydə alınıb

Amerikalı həkimlər 20 ildə ilk dəfə olaraq ölkə daxilində malyariya yoluxma hallarını qeydə alıblar.
Bu barədə ABŞ-ın Xəstəliklərə Nəzarət və Qarşısının Alınması Mərkəzi məlumat yayıb. Bildirilib ki, beş yoluxma hadisəsinin dördü Floridada, biri isə Texasda olub.
Qurum yerli hakimiyyət orqanlarını xəstəliyin yayılmasının qarşısının alınması üçün nəzarəti gücləndirməyə, eləcə də zərurət yarandıqda malyariyanın müalicəsi üçün dərman vasitələrinə sürətli çıxışı təmin etməyə çağırıb.