Fransa sosial şəbəkələrin bloklanmasını müzakirə edir - YENİLƏNİB

Fransa hökuməti iğtişaşlar zamanı sosial şəbəkələri bloklamağı müzakirə edir.
Bu barədə Fransa hökumətinin rəsmi nümayəndəsi Olivye Veran açıqlayıb.
O, artıq parlamentin hər iki palatasının bir neçə həftə əvvəl Nazirlər Şurasına təqdim edilən və kibertəhlükəsizliyə və rəqəmsal alətlərdən istifadəyə təsir edən qanun layihəsinin müzakirə edildiyini bildirib. 
Nazirlər Kabinetinin nümayəndəsi sosial şəbəkələrin məhdudlaşdırılması ilə bağlı təkliflərin bir sıra xüsusiyyətlərini qeyd edib - məsələn, o, yanğın törədənlərin bir yerə toplaşmasının qarşısını almaq üçün geolokasiyanın bloklanmasını təklif edir. Veran həmçinin xatırladıb ki, Fransa Nazirlər Kabineti rəqəmsal platformalardan zorakılığa təşviq edən bütün mesajları dərhal silməyi tələb edir.
Bundan əvvəl Fransa prezidenti Emmanuel Makron ölkədə böhranın kəskinləşməsi halında sosial şəbəkələrin bağlanmasının mümkünlüyünü etiraf edib.
***15:07
Fransa prezidenti Emmanuel Makron ölkədə böhranın kəskinləşməsi halında sosial şəbəkələrin bağlanmasının mümkünlüyünü etiraf edib. 
Xarici KİV-dən xəbər verir ki, o bu barədə iğtişaşlardan zərər çəkmiş şəhərlərin merləri ilə söhbətində bildirib.
Makron qeyd edib ki, gənclər arasında sosial şəbəkələrdən istifadə barədə düşünmək, həmçinin, mümkün qadağaları müzakirə etmək lazımdır.
Prezident vurğulayıb ki, vəziyyət pisləşdiyi halda sosial şəbəkələri tənzimləmək, hətta bağlamağı da bacarmaq lazımdır.