Zelenskinin mühafizəçisinin unikal tapançası diqqət çəkdi

Xəbər verdiyimiz kimi, iyulun 8-də, Rusiya Federasiyası ilə müharibənin 500-cü günündə Ukrayna prezidenti Volodimir Zelenski İlan adasına səfər edib. Mühafizəçilər arasında beş min dollara unikal "Laugo Arms Alien" tapançası olan bir şəxs diqqət çəkib.  
Bu barədə amerikalı hərbi ekspertlər məlumat yayıb. 
Bildirilir ki, səfər zamanı Zelenski, Budanov və başqalarını qoruyan ukraynalı hərbçinin “Yadplanetli” adlanan tapançanı əldə etməsi maraq doğurub. 
Qeyd edək ki, məhdud sayda olan silahın çox fərqli forma və xüsusiyyətləri var. Tapançalar peşəkar atıcılara satılır.

•