Rusiya XİN Moskvaya PUA hücumunu beynəlxalq terror aktı adlandırdı

Rusiya Xarici İşlər Nazirliyi pilotsuz uçuş aparatlarının (PUA) Moskvaya hücumunu beynəlxalq terror aktı adlandırıb.
Bu barədə Rusiya XİN-in rəsmi nümayəndəsi Mariya Zaxarova RTVI telekanalına açıqlayıb. 
"Bu, beynəlxalq terror aktıdır", - diplomat nazirliyin insidenti necə qiymətləndirdiyi ilə bağlı suala cavabında vurğulayıb.
Qeyd edək ki, iyulun 24-də səhər saatlarında iki PUA Moskvada binalara hücum edib.