"Meşə yanğınları 40 nəfərin ölümünə səbəb olub" - ÜST-nin baş direktoru

ÜST-nin baş direktoru Tedros Adhanom Qebreyesus həftəlik mətbuat konfransında cari sağlamlıq problemləri ilə bağlı qiymətləndirmələr edib.
O, şimal yarımkürəsində həddindən artıq istilərin sağlamlığı təhdid etməyə davam etdiyini ifadə vurğulayıb:
"Yüksək temperatur və digər şərtlər Əlcəzair, Yunanıstan, İtaliya və Tunisdə 40 nəfərin öldüyü, minlərlə insanın təxliyə edildiyi meşə yanğınlarına səbəb oldu". 
Həddindən artıq istilərin köçkünlərin, münaqişələrdən təsirlənənlərin və ya həssas mühitlərdə yaşayanların sağlamlığına təsirindən də narahat olduqlarını ifadə edən baş direktor, bu ay Suriyanın şimal-qərbində evlərə və çadırlara ziyan vuran 40 yanğının qeydə alındığını bildirib.  O, yüksək temperaturun tükənmə və ya istilik vurmasına səbəb ola biləcəyini və ürək, damar, tənəffüs, böyrək xəstəlikləri və psixi sağlamlıqla bağlı problemləri daha da şiddətləndirə biləcəyini qeyd edib.