Avtomobildə silah gəzdirən basketbolçu yaxalandı

NBA-da "Los Angeles Clippers"in formasını geyinən Amir Koffi həbs edilib.

26 yaşlı basketbolçunun həbsinə səbəb kimi odlu silah gəzdirməsi göstərilib. 

"TMZ Sports"un məlumatına görə, bazar günü Los Ancelesdə patrul dövriyyəsində olan polis qrupu sürət həddini aşan bir avtomobili saxlayıb. Nəqliyyat vasitəsindən ağır narkotik qoxusu gəldiyini hiss edən asayiş keşikçiləri avtomobilin içərisində axtarış edib və darağı dolu olan silah da tapıb.

Avtomobildə sərnişin kimi qələmə verilsə də Koffi, silahın ona aid olduğunu etiraf etdikdən sonra həbs olunub.