Ərdoğanın cənazəsini daşıdığı müğənni ölümünü yuxuda görübmüş

2014-cü ildə  46 yaşında xərçəng xəstəliyi nəticəsində vəfat etmiş məşhur rokçu Murat Göğebakan ölümündən 8 ay öncə öləcəyini yuxuda görüb.
Türkiyə mediasının xəbərinə görə, bunu yuxuyozmaları ilə məşhurlaşmış mediuam Mehmet Emin Kırgil söyləyib.
“Bir dəfə yanıma gəldi. Gecə gördüyü yuxunu danışdı. Qanadları 3 metr olan böyük, qara bir quşun onu özü ilə insanların toplaşdığı bir adaya apardığını və geri gətirməyəcəyini söylədi”. Mən öncə yuxunu yozmaq istəmədim, o israr edincə bildiyimi deməli oldum.
“Gördüyün quş Əzraildir, sağlığına diqqət et" dedim. O hadisədən sonra həkimə gedib, müayinə olundu və xərçəng xəstəliyinə tutulduğunu öyrəndi. 8 ay sonra isə amansız xəstəlik onu aramızdan apardı”,- deyə o bildirib.
Murat Göğebakanın dəfnində Türkiyə Prezidenti Rəcəb Tayyib Erdoğan şəxsən iştirak etmiş, mərhumun cənazəsini daşımışdı.