Ermənistanda əyalət sakinləri Paşinyanın yolunu kəsdilər

Ermənistanın Sünik əyalətinin bir qrup sakini baş nazir Nikol Paşinyanın əyalətə gəlişinə etiraz əlaməti olaraq aksiya keçirib.
Bu barədə “News.am” bildirib.
Qeyd edilir ki, sakinlər baş nazirin əyalətə gəlişinə mane olmağa çalışıblar. Etirazçılar baş nazirin kortecinin yolunu bağlamağa çalışıblar. Sakinlər bu məqsədlə “Sünik qapıları”na doğru gedərək Paşinyanın kortecini dayandırmaq istəyiblər. Lakin polis əməkdaşları onların yolunu kəsiblər.
Sakinlər hesab edirlər ki, regionun təhlükəsizliyi məsələsi süquta uğrayıb. Onlar bu məsələdə Paşinyanı təqsirkar hesab edirlər. (Report)