Bu ölkənin müdafiə nazirinə silahlı hücum oldu

Livanın müdafiə naziri Muris Slim paytaxt Beyrutda  silahlı hücuma məruz qalıb. 
Beyrutda naməlum şəxslər Slimin avtomobilinə atəş açıb. Nazir edilən hücumdan yaralanmadan xilas olub.
Bildirilib ki, güllələr Slimin maşınına dəyib.
Müdafiə naziri Slim Beyrutda yerləşən MTV Televiziyasına hücumla bağlı qısa açıqlama verib.
Avtomobilinə silahlı hücum edildiyini bildirən Slim, "Yaxşıyam, amma avtomobilimin arxa şüşələri güllələrdən qırıldı", - deyib. 
Hücumla bağlı hökumət və təhlükəsizlik rəsmilərindən hələlik heç bir açıqlama verilməyib.