Paris küçələrindən skuterlər yığışdırıldı

Fransada paytaxt Paris küçələrindən 15 min skuter toplanıb.
  
Xarici media xəbər verir ki, təhlükəsizlik səbəbiylə müzakirə edilən skuterlərdən istifadə ilə bağlı aprel ayında keçirilən referendumda Paris əhalisinin 89 faizi elektrikli skuterlərdən istifadənin qadağan edilməsini tələb edib.
Uzun müddət mübahisə hədəfinə çevrilən skuterlərin ləğvi ilə Paris skuterləri qadağan edən ilk Avropa paytaxtı oldu.
Qeyd edək ki, skuterlər ilk dəfə 2018-ci ildə Parisdə təqdim edilib.