Rusiyalı pilot Mi-8 helikopterini QAÇIRDI

Kremlin sözçüsü Dmitri Peskov rusiyalı pilot Maksim Kuzminovun Kurskdan Ukraynaya qaçırılan Mi-8 helikopteri ilə bağlı vəziyyəti şərh etməkdən imtina edib. 
O, bunun Rusiya  Müdafiə Nazirliyinin səlahiyyətində olduğunu bildirib. 
"Təfərrüatları bilmədən nəyisə şərh etmək düzgün olmazdı", - Rusiya Federasiyası Prezidentinin mətbuat katibi izah edib.  
Bundan əvvəl rusiyalı pilot Maksim Kuzminovun Kurskdan Mi-8 helikopterini qaçıraraq, göyərtəsində daha iki ekipaj üzvü olmaqla, onunla Ukraynaya keçdiyini bildirilib.
Helikopter avqustun 9-da Kursk aerodromundan Xarkov vilayətinə aparılıb. Rusiya Müdafiə Nazirliyi vəziyyəti şərh etməyib.