Fransa polisi Putinlə əlaqəsi olan milyarderi saxladı

Fransa polisi rusiyalı milyarder oliqarx Aleksey Kuzmiçevi çirkli pulların yuyulması, vergi fırıldaqları və beynəlxalq sanksiyaların pozulması ilə bağlı istintaq çərçivəsində saxlayıb.
Bu barədə məlumatı Fransa Milli Maliyyə Prokurorluğunun (PNF) sözçüsü "Politico"ya təsdiqləyib.
Fransanın Korrupsiyaya Qarşı Mübarizə İdarəsinin (OCLCIFF) ilkin təhqiqatının bir hissəsi olaraq, polis bazar ertəsi Fransanın bir neçə yerində, o cümlədən Kuzmiçevin Parisdəki əmlakında çoxsaylı axtarışlar aparıb. Kuzmiçevin Saint-Tropezdəki villasında da axtarış aparılıb. O, bazar ertəsi saxlanılıb və bu gün həbsdə qalıb.
Rusiyanın ən böyük özəl investisiya şirkətlərindən biri olan "Alfa Group"un səhmdarı olan Kuzmiçev Rusiya prezidenti Vladimir Putinin keçən il Ukraynaya genişmiqyaslı işğalına başlamasından sonra şirkətin bir sıra digər səhmdarları ilə birlikdə Aİ tərəfindən sanksiyaya məruz qalıb. Aİ onu Putin və Rusiya rejimi ilə yaxın əlaqələri olan Rusiyada ən nüfuzlu şəxslərdən biri hesab edir.