Fransanın müdafiə naziri Makronun xahişi ilə İsrailə gedir

Fransanın müdafiə naziri Sebastyan Lekornu İsrailə səfər edəcək. 

Bu barədə fransalı nazir "X" şəbəkəsindəki hesabında bildirib. 

"Respublika Prezidentinin xahişi ilə oktyabrın 7-dən bəri apardığımız çoxsaylı təmaslara əsaslanaraq Qəzzadaki vəziyyəti və regional təhlükəsizliyi müzakirə etmək üçün bu gün Yaxın və Orta Şərqə səfər edirəm", - deyə nazir açıqlayıb. 

Xatırladaq ki, oktyabrın 24-də Fransa prezidenti Emmanuel Makron da İsrailə səfər etmişdi.