Baş nazirin nahar etdiyi restoranda etiraz aksiyası keçirdilər - VİDEO

Kanadanın baş naziri Castin Trüdo nahar etdiyi restoranda 250 nəfərlik qrup tərəfindən etirazla qarşılanıb. 
Xarici KİV xəbər verir  ki, hadisə Vankuver şəhərində qeydə alınıb. 
Nümayişçilər baş nazirdən İsrailin hücumlarının davam etdiyi Qəzzada atəşkəs çağırmasını tələb ediblər. Aksiya zamanı baş verən davada bir polis əməkdaşı yaralanıb, 2 fəal  saxlanılıb.
Səlahiyyətlilər bildiriblər ki, Trüdonun restoranı tərk etməsini təmin etmək üçün 100 polis məmuru hadisə yerinə gəlib və izdihamı nəzarət altına alıblar.