Qazaxıstanda hərbçi həmkarını güllələyərək öldürüb

Qazaxıstanda hərbçi həmkarının ona açdığı atəş nəticəsində ölüb.

“Sputnik”in Qazaxıstan bürosu xəbər verir ki, bu barədə Aktobe vilayətinin Sərhəd Qarnizonunun hərbi prokuroru bildirib.

Hadisə Aktobe vilayətində, sərhəd zastavasında baş verib.

Müqavilə əsasında xidmət edən hərbçinin açdığı atəş nəticəsində ağır yaralanan həmkarı təcili tibbi yardım maşınında ölüb.

Hadisəni törətməkdə şübhəli bilinən şəxs saxlanılıb, araşdırma aparılır.