Qəzzada döyüşlərdə ölən İsrail hərbçilərinin sayı 80-ə çatıb - YENİLƏNİB

İsrailin Qəzzada apardığı quru əməliyyatında ölən hərbçilərinin sayı 80-ə çatıb.

"Times of Israel" xəbər verir ki, bu barədə İsrailin Müdafiə Qüvvələri məlumat yayıb.

Bildirilib ki, daha iki hərbçi - 24 yaşlı kapitan Yahel Qazit və 34 yaşlı baş çavuş Gil Daniels davam edən quru döyüşlərində həlak olublar.

***

10:37

HAMAS-la müharibədə ölən İsrail hərbçilərinin sayı 404 nəfərə çatıb.

Bu barədə “The Times of İsrael” nəşri yazıb.

Ötən gün döyüşlərdə İsrail Müdafiə Qüvvələrinin Qəzza zolağında daha 3 hərbçisinin öldüyü açıqlanıb.

Onlardan 1-nin zabit, 2-sinin isə çavuş olduğu bildirilib. Daha 1 hərbi qulluqçu isə yaralanıb.

Qeyd olunub ki, Qəzzada quru əməliyyatı başlayandan bəri 75 İsrail hərbçisi öldürülüb.