İran Aİ diplomatını edam edə bilər

İran Tehranda həbsdə olan isveçli Aİ diplomatını İsrail üçün casusluq və korrupsiyada ittiham edib. 

Bu barədə "The Guardian" yazıb.

Qeyd olunub ki, bu ittihamlar ölüm cəzasını nəzərdə tutur: "Yohan Floderus ölkənin təhlükəsizliyinə qarşı genişmiqyaslı tədbirlərdə, sionist rejimlə geniş kəşfiyyat əməkdaşlığında və korrupsiyada ittiham olunur".

33 yaşlı Floderus 2022-ci il aprelin 17-də Tehran hava limanında həbs edilib.

Avropa İttifaqının diplomatik xidmətində çalışan isveçli Tehrandakı Evin həbsxanasındadır.