İranda Sepahın quru qoşunları təlim keçirib

İran İnqilab Keşikçiləri Qvardiyasının (Sepah) quru qoşunları Qəsre-Şirin rayonunda Nəcəf Əşrəf hərbi bazasında təlimlər keçirib.

Məlumatı “Mehr” agentliyi yayıb.

Bildirilib ki, təlimdə təhlükəsizliyə qarşı təhdidlər və terror hücumlarına qarşı mübarizə aparmaq üçün ordunun müxtəlif qollarının hazırlığı, yeni imkanlardan istifadə etməklə ən son taktikalardan, təcrübələrdən və qüvvələrin rekombinasiyası planlarından istifadə edilib.