"WhatsApp"da növbəti YENİLİK - FOTO

"WhatsApp" messenceri istifadəçilərə çox faydalı olacaq yeni funksiyalar təqdim etməyə davam edir.
Xarici mediayanın xəbərinə görə, Windows, Android və iOS platformalarında davamlı sınaqlar həyata keçirən "WhatsApp" indi istifadəçilərin zövq alacağı yeni funksiya üzərində işləyir.
Messencer hələ inkişaf mərhələsində olan yeni funksiya sayəsində istifadəçilərə videozənglər zamanı eyni vaxtda musiqi dinləməyə imkan verəcək.
Bununla belə, istifadəçilərin yeni funksiyadan yalnız videozənglərdə istifadə edə biləcəyi bildirilib.
Ekran paylaşımı seçiminin aktiv olduğu video zəng zamanı cihaz səsini paylaşma xüsusiyyəti sayəsində istifadəçilər video və musiqi məzmununu birlikdə dinləyə biləcəklər.
Bu yolla istifadəçilər danışdıqları şəxslərə göstərmək və ya dinlətmək istədikləri video və musiqiləri daha asan şəkildə paylaşa biləcəklər.