Ərdoğan Kılıçdaroğludan aldığı təzminatı Qəzzaya bağışladı

Türkiyə Prezidenti Rəcəb Tayyib Ərdoğan CHP-nin keçmiş sədri Kamal Kılıçdaroğlundan qazandığı 65 min lirəlik (3 796 AZN) mənəvi təzminatı Qəzzada kimsəsiz uşaqlara xərclənmək üçün Türk Qızıl Aypara Cəmiyyətinə bağışlayıb.
Bu barədə "Anadolu" agentliyi məlumat yayıb. 
Xatırladaq ki, Ərdoğan 2021-ci il yanvarın 26-da Türkiyə Böyük Millət Məclisindəki çıxışında şəxsi hüquqlarını pozduğuna görə Kılıçdaroğluya qarşı iddia qaldırmışdı.