Ərini öldürən 19 yaşlı Samirə edam olundu

İran hakimiyyəti ərini öldürən qadını edam edib.
Bu barədə İran KİV məlumat yayıb. 
15 yaşında ərə verilən Samirə Sabzian ərini qəsdən öldürməkdə ittiham olunaraq edam edilib. 
Qeyd olunur ki, qadın 4 ildir məişət zorakılığının qurbanı olub. Onun iki uşağı var idi.
İslam cinayət məcəlləsinə görə, qətldə təqsirləndirilən bütün şəxslər motivlərindən və cinayəti törətdiyi şəraitdən asılı olmayaraq ölüm cəzasına məhkum edilirlər. Qurbanın ailəsinə ölüm cəzası istəmək və ya maddi təzminat almaq arasında seçim verilir.
İran qanunlarına görə, qadınlar ailədaxili zorakılıq hallarında belə boşanma ərizəsi verə bilməzlər.