Fransa polisi bir ailənin 5 üzvünü öldürməkdə şübhəli bilinən şəxsi saxlayıb - YENİLƏNİB

Fransa polisi bir ailənin 5 üzvünü öldürməkdə şübhəli bilinən şəxsi saxlayıb.

Bu barədə AFP polisdəki mənbəyə istinadən məlumat yayıb. Polisdəki mənbənin sözlərinə görə, cinayəti törətməkdə şübhəli bilinən şəxs Parisin şimal-şərqində yerləşən Sevra kommunasında saxlanılıb.

Xatırladaq ki, dekabrın 25-də Parisin şərqində yerləşən Meaux rayonunda mənzildə beş nəfərin meyiti tapılıb. Polis bildirib ki, ana və onun 4 azyaşlı uşağı öldürülüb. Faktla bağlı cinayət işi başlanıb

***

07:51

Fransanın paytaxtı Paris yaxınlığındakı mənzildə beş nəfərin meyiti tapılıb.

Bu barədə AFP şəhər prokuroruna istinadən məlumat yayıb.

Mənzildən qadın və onun 4 uşağının cəsədləri aşkar edilib.

Onların ölüm səbəbi barədə məlumat verilmir.

Polis uşaqların 33 yaşlı atasını axtarır.