Sankt-Peterburqda MDB liderlərinin görüşü başladı - YENİLƏNİB

Sankt-Peterburqda MDB ölkələri liderlərinin qeyri-rəsmi görüşü başlayıb.
Bu barədə Rusiya KİV məlumat yayıb. 
Rusiya prezidenti Vladimir Putinin dəvəti ilə keçirilən görüşdə Azərbaycan, Qırğızıstan, Ermənistan, Qazaxıstan, Özbəkistan, Tacikistan və Türkmənistan liderləri iştirak edir.
***10:03
Müstəqil Dövlətlər Birliyinin (MDB) liderləri bu gün Sankt-Peterburqda Yeni il qabağı qeyri-rəsmi sammit çərçivəsində görüşəcəklər.
Sammit uzun illərdir ki, dekabrın sonunda görüşən dövlət başçıları arasında ənənəvi ünsiyyət formatıdır.
2024-cü ildə MDB-yə sədrlik Qırğızıstandan Rusiyaya keçəcək.
MDB hazırda 11 ölkədən ibarətdir: Azərbaycan, Ermənistan, Belarus, Qazaxıstan, Qırğızıstan, Moldova, Rusiya, Tacikistan, Türkmənistan, Özbəkistan və Ukrayna.
Putinin sözlərinə görə, de-fakto Moldova və Ukrayna uzun müddətdir ki, assosiasiyanın fəaliyyətində iştirak etmir. Moldova yaxın müddətdə MDB-dən çıxmağı planlaşdırır.