Qazaxıstanda binanın çökməsi zamanı 3 nəfər ölüb - YENİLƏNİB

Uralsk şəhərində baş verən hadisə zamanı həlak olan üçüncü şəxsin meyiti xilasedicilər tərəfindən aşkar edilərək çıxarılıb.
Partlayış günorta saat 14:00-da kafedə baş verib. Daha əvvəl 2 nəfərin ölümü haqda məlumat verilmişdi. Hazırda daha 4 nəfərin reanimasiyada olduğu bildirilir.
***
10:44
Qazaxıstanda kafedə partlayış nəticəsində bina uçub, 2 nəfər ölüb.
Bu barədə “Sputnik”in Qazaxıstan bürosu məlumat yayıb.
Hadisə Qazaxıstanın Uralsk şəhərində baş verib. Gecə saatlarında baş vermiş güclü partlayışdan sonra ikimərtəbəli binada yanğın başlayıb.
Partlayış nəticəsində bina uçub, dağıntılar altından 6 nəfər xilas edilib, onlardan 5-i xəstəxanaya yerləşdirilib. Ölənlərin isə şəxsiyyəti müəyyənləşdirilir.
Hazırda hadisə yerində xilasedicilər çalışır, dağıntılar altında hələ də insanların ola biləcəyi ehtimalı var.