Suriyada hərbçiləri daşıyan avtobusa hücum olub, ölənlər və yaralananlar var

Suriyanın Palmira şəhərində hərbçiləri daşıyan avtobusa silahlıların hücumu nəticəsində 14 nəfər ölüb, 19 nəfər yaralanıb.

Bu barədə “Al-Hadath” məlumat yayıb.

Bildirilib ki, avtobusa hücumu İŞİD terror qruplaşması edib.

Məlumata görə, onlar səhər saatlarında T-3 neft yükləmə stansiyasının ərazisində pusquda duraraq hərbçiləri daşıyan avtobusa hücum ediblər. Yaralılar Homs əyalətinin mərkəzi hospitalına yerləşdirilib.

Qeyd edək ki, 2023-cü il dekabrın 21-də Palmira yaxınlığındakı magistral yolda hərbçiləri daşıyan avtobusu partladılması nəticəsində 7 nəfər ölmüş, 10 nəfər yaralanmışdı.