Bərdədə ağır yol qəzası - 5 nəfər xəsarət aldı

Bərdədə yol-nəqliyyat hadisəsi qeydə alınıb. 
Hadisə rayonun Mirzəxanli kəndi ərazisində baş verib.
Belə ki, hərəkətdə olan VAZ-21011 markalı minik maşını "Opel" markalı maşınla toqquşub. Nəticədə beş nəfər xəsarət alıb.
Yaralılar Bərdə Rayon Mərkəzi Xəstəxanasına aparılıb. Yaralılardan ikisinin vəziyyətinin ağır olduğu deyilir.
Faktla bağlı araşdırma aparılır.