“Mercedes”lə “VAZ” toqquşdu - Ölən var

Bərdədə ağır qəza baş verib. 
Daxili İşlər Nazirliyindən (DİN) verilən məlumata görə, mayın 16-da saat 11 radələrində Bərdə rayonunun Əmirli kəndi ərazisində kənd sakini N.Əmirovun idarə etdiyi “Mercedes” və Ağdam rayon sakini Ələmdar Qarayevin idarə etdiyi “VAZ-21063” markalı avtomobillər toqquşub.
Nəticədə xəsarət almış Ə.Qarayev xəstəxanaya aparılarkən yolda ölüb, sərnişini isə xəstəxanaya yerləşdirilib. 
Hazırda faktla bağlı Baş İstintaq və Təhqiqat İdarəsi tərəfindən araşdırma aparılır.