Bakıda qadın hoteldə BIÇAQLANDI

Bakının Sabunçu rayonunda qadın bıçaq xəsarətləri alıb.
Apa xəbər verir ki, hadisə hotellərdən birində baş verib.
1990-cı il təvəllüdlü Yusufova Rəhimə Telman qızı tanışı ilə oteldə dava edib. Dava zamanı o, bədənin müxtəlif nahiyələrindən bıçaq xəsarətləri alıb. Yaralı ağır vəziyyətdə xəstəxanaya çatdırılıb.
Faktı Sabunçu Rayon Polis İdarəsinin 12-ci Polis Şöbəsinin əməkdaşları araşdırır.