Sumqayıtda mikroavtobusun vurduğu piyada yeddi gün sonra ölüb

Sumqayıtda mikroavtobusun vurduğu piyada yeddi gün sonra xəstəxanada ölüb.
“Report”un əldə etdiyi məlumata görə, hadisə oktyabrın 26-da şəhərin H.Z.Tağıyev qəsəbəsində qeydə alınıb.
Belə ki, Hüseynzadə Babək Emin oğlu idarə etdiyi “Ford Tranzit” markalı mikroavtobusla Quba rayon sakini, Osmanov Hikmət Balaəli oğlunu vurub. Xəsarət alan piyada noyabrın 2-də Təcili Tibbi Yardım Xəstəxanasında ölüb.
Faktla bağlı Sumqayıt Şəhər Polis İdarəsində cinayət işi başlanaraq istintaqı aparılır.