Bakıda kirayədə yaşayan üç nəfər dəm qazından zəhərlənib, ölən var

Bakıda üç nəfər dəm qazından zəhərlənib, onlardan biri dünyasını dəyişib.
“Report”un xəbərinə görə, hadisə yanvarın 13-də paytaxtın Yasamal rayonu, K.Kazımzadə küçəsində yerləşən evlərin birində qeydə alınıb.
Belə ki, 1982-ci il təvəllüdlü Məmməd Qənbərov kirayə yaşadığı fərdi yaşayış evinin hamam otağında yuyunarkən dəm qazından zəhərlənərək ölüb.
Bundan başqa, onunla eyni ünvanda kirayə yaşayan, 2008-ci il təvəllüdlü Vəli Qarayev və 1987-ci il təvəllüdlü Gülnarə Qarayeva dəm qazından zəhərlənmə diaqnozu ilə 1 saylı şəhər Klinik Xəstəxanasına yerləşdiriliblər.
Faktla bağlı Yasamal Rayon Prokurorluğunda araşdırma aparılır.